Happdrætti

Þátttakendum í flestum netkönnunum er boðið upp á happdrættisvinning sem er yfirleitt í formi gjafakorts eða vöruúttektar. Vinningsupphæðin tekur mið af lengd könnunarinnar og er yfirleitt á bilinu 5.000-15.000 kr. Undantekningar kunna að vera þegar kannanir eru unnar fyrir aðila svo sem góðgerðarsamtök þá er jafnan ekki boðið upp á vinninga. Þátttakendur fá send þátttökunúmer sín um leið og þeir fá sent boð um þátttöku í könnunum. Allir vinningshafar fá svo sendan tölvupóst með tilkynningu um að þeir hafi unnið. Vinningaskrá er jafnframt birt á vef MMR innan mánaðar frá því könnun lýkur.