fbpx

MMR birtir reglulega niðurstöður úr könnunum sem unnar hafa verið meðal almennings um málefni líðandi stundar. Kannanirnar eru jafnan unnar sem hluti af spurningavagni MMR og efnistök valin af starfsfólki MMR út frá þeim fréttum sem eru áberandi í umfjöllun þegar viðkomandi könnunin hefst. MMR birtir ekki fréttatilkynningar úr könnunum sem eru unnar fyrir aðra eða fjármagnaðar af öðrum.

 

Fylgi Sjálfstæðisflokksins mældist nú 23,5%, sem er rúmu prósentustigi meira en í könnun MMR sem gerð var í upphafi maí en á pari við fylgi flokksins í apríl. Fylgi Pírata jókst um þrjú prósentustig frá síðustu mælingu og mældist nú 14,6% og fylgi Samfylkingar jókst um eitt prósentustig og mældist nú 13,3%. Þá minnkaði fylgi Framsóknarflokksins um tæplega þrjú prósentustig frá síðustu mælingu og mældist nú 6,4% en fylgi flokksins hefur ekki mælst svo lágt frá síðustu kosningum.

|

Notkun landsmanna á íslenskum vefmiðlum hefur aukist nokkuð í kjölfar útbreiðslu kórónaveirunnar ásamt því sem daglegum heimsóknum á efnisveituna YouTube hefur fjölgað. Litla breytingu er hins vegar að merkja á daglegum eða vikulegum heimsóknum á samfélagsmiðilinn Facebook. Þetta er á meðal þess sem kemur fram í nýrri könnun MMR á vefmiðlanotkun landsmanna en könnunin er framkvæmd ársfjórðungslega og tekur til 18 innlendra og erlendra vefmiðla.

|

Eftir nokkrar sveiflur á fylgi stjórnmálaflokka síðustu vikur og aukinn stuðning við ríkisstjórnina þá gefa nýjar niðurstöður úr könnun MMR til kynna að fylgi flokkanna sé almennt að færast í líkt horf og var áður en áhrifa Covid-19 faraldursins gætti að fullu hér á landi. Fylgi Sjálfstæðisflokksins mældist nú 22,7%, sem er tæpu prósentustigi minna en í könnun MMR sem gerð var við upphaf apríl en á pari við fylgi flokksins í febrúar. Samfylkingin mældist næst með 13,1% fylgi, um prósentustigs lækkun frá síðustu mælingu. Fylgi Vinstri grænna minnkaði um tæp tvö prósentustig frá síðustu mælingu og mældist nú 10,4% og fylgi Framsóknarflokksins jókst um rúmt prósentustig frá síðustu mælingu og mældist nú 9,8%. Þá jókst fylgi Sósíalistaflokks Íslands um rúm 2 prósentustig og mældist nú 5,6%.

|

Þrír af hverjum fjórum Íslendingum segja kaup sín á ferðalögum hafa minnkað í kjölfar útbreiðslu kórónaveirunnar og rúmlega helmingur segir viðskipti sín við skyndibitastaði og aðra veitingastaði hafa minnkað. Þá sagði tæpur fjórðungur að matarkaup sín hafi aukist með útbreiðslu COVID-19 og rúmur þriðjungur sagði kaup sín á hreinlætisvörum hafa aukist. Þetta kemur fram í nýrri kórónavíruskönnun MMR sem var nú gerð í annað sinn.

|

Fylgi Sjálfstæðisflokksins mælist nú 23,5%, sem er tæpum fjórum prósentustigum minna en í könnun MMR sem gerð var í mars, þegar stuðningur við flokkinn jókst töluvert eftir nokkurra mánaða tímabil þar sem stuðningur við flokkinn sveiflaðist í kring um 20%. Samfylkingin mældist næst með 14,1% fylgi, innan við prósentustigs lækkun frá síðustu mælingu. Fylgi Vinstri grænna jókst aftur á móti um tvö og hálft prósentustig frá síðustu mælingu og mældist nú 12,3% og hefur ekki mælst hærri frá í september 2019. Þá jókst fylgi Pírata um tæp tvö prósentustig frá síðustu mælingu og mældust þeir nú með 12,2% fylgi.

|

Um níu af hverjum tíu landsmönnum bera mikið traust til almannavarna og heilbrigðisstofnana í tengslum við viðbrögð þeirra við útbreiðslu kórónaveirunnar og 4 af hverjum fimm bera mikið traust til lögreglunnar. Fimmti hver Íslendingur ber lítið traust til ríkisstjórnarinnar og rúmlega fjórðungur segist bera lítið traust til alþingis, bankanna og lífeyrissjóðanna. Þetta kemur fram í nýrri kórónavíruskönnun MMR.

|

Stór meirihluti landsmanna hefur miklar áhyggjur af áhrifum útbreiðslu kórónaveirunnar á íslenskan efnahag en einungis þriðjungur hefur miklar áhyggjur af því að smitast sjálfur. Þá segist um þriðjungur hafa miklar áhyggjur af því að verða fyrir alvarlegu fjárhagslegu tjóni sökum COVID-19 en um fimmtungur hefur miklar áhyggjur af því að verða fyrir alvarlegu heilsufarslegu tjóni. Þetta kemur fram í nýrri kórónavíruskönnun MMR.

|

Fylgi Sjálfstæðisflokksins mælist nú 27,4%, sex prósentustigum meira en í könnun MMR sem gerð var í seinni hluta febrúar. Mældust Samfylkingin með 14,7% fylgi og Píratar með 10,2% fylgi, svipað og við síðustu mælingu. Þá mældist Miðflokkurinn með 10,0% fylgi, tveimur og hálfu prósentustigi minna en við síðustu mælingu.

|

Rúmlega þriðjungur landsmanna starfar við breytt vinnufyrirkomulag sökum útbreiðslu kórónaveirunnar og 15% sögðust eingöngu vinna að heiman þessa dagana. Þetta kemur fram í nýrri kórónavíruskönnun MMR. Af þeim sem kváðust í vinnu og tóku afstöðu til spurningarinnar sögðu 62% vinnufyrirkomulag sitt óbreytt þrátt fyrir útbreiðslu kórónaveirunnar, 23% kváðust vinna að hluta til að heiman þessa dagana og 15% kváðust eingöngu vinna að heiman sökum útbreiðslu veirunnar.

|

Fylgi Sjálfstæðisflokksins mælist nú 22,0%, sem er þremur prósentustigum meira en í síðustu könnun MMR sem gerð var í seinni hluta janúar en 1,7 prósentustigum meira en var í upphafi janúar. Mældist Samfylkingin með 15,1% fylgi, einu og hálfu prósentustigi minna en við síðustu mælingu en Miðflokkurinn mældist með 13,3% fylgi, tæplega tveimur prósentustigum minna en við síðustu mælingu. Þá mældust Vinstri-græn með 10,7% fylgi og Píratar með 10,4% fylgi.

|

Fylgi Sjálfstæðisflokksins mælist nú 20,3%, nær óbreytt frá mælingu MMR í desember. Mældist Samfylkingin með 16,8% fylgi, rúmlega tveimur prósentustigum hærra en við síðustu mælingu en Miðflokkurinn mældist með 12,9% fylgi, rúmu prósentustigi minna en við síðustu mælingu. Þá mældust Vinstri-græn með 11,1% fylgi og Píratar með 11,0% fylgi.

|

Rúmlega helmingur landsmanna segir að flugeldum verði skotið upp á sínum heimilum um þessi áramót. Litlar breytingar reyndust á sprengjuáformum landans en 55% svarenda kváðust ætla að skjóta upp flugeldum í ár og 57% sögðu flugeldum hafa verið skotið upp á sínum heimilum um síðustu áramót.

|

Þeim fækkar sem hyggjast borða hangikjöt á jóladag en vinsældir grænmetisfæðis og nautakjöts hafa ekki verið jafn háar síðan mælingar MMR á jólahefðum landsmanna hófust árið 2010. Alls kváðust 68% landsmanna ætla að borða hangikjöt sem aðalrétt á jóladag en hlutfall þeirra hefur lækkað um 5 prósentustig frá upphafi mælinga. 8% kváðust ætla að gæða sér á hamborgarahrygg, 4% á lambakjöti öðru en hangikjöti, 4% á grænmetisfæði, 4% kalkún, 3% á nautakjöti og 9% svarenda kváðust munu borða annað en ofantalið.

|

Ekkert lát er á vinsældum gervitrjáa á meðal landsmanna en þeim fækkar sem setja upp lifandi jólatré. Nær fimmti hver landsmaður hyggst ekki ætla að setja upp jólatré í ár en fjöldi jólatrjáalausra hefur nær tvöfaldast frá því að mælingar MMR á jólahaldi landsmanna hófust árið 2010.

|

Lítið lát er á vinsældum skötunnar en rúmur þriðjungur landsmanna heldur á vit hennar í dag. Hefur hlutfall þeirra sem halda í skötuhefðina haldist um þetta bil frá því að mælingar MMR á jólahefðum landsmanna hófust árið 2011. Alls voru 37% sem sögðust ætla að borða skötu á Þorláksmessudag þetta árið, 2 prósentustigum fleiri en í fyrra.

|

Enn sem áður á hamborgarhryggurinn hug og hjörtu landsmanna á aðfangadag en þeim sem hyggjast borða grænmetisfæði fjölgar jafnt og þétt. Vinsældir hamborgarhryggsins hafa þó hægt og rólega dregist saman frá því að mælingar MMR á matarvenjum landans hófust fyrir áratug síðan.

Rétt tæplega helmingur svarenda kvaðst ætla að gæða sér á hamborgarhrygg á aðfangadagskvöld (46%) en lambakjöt (9%), rjúpur (9%) og kalkúnn (8%) fylgdu sem áður eftir í næstu þremur sætunum. Neysla nautakjöts hefur aukist yfir síðasta áratuginn og hyggjast nú 6% landsmanna gæða sér á nauti á aðfangadag, fjórum prósentustigum meira en árið 2010. Þá voru 4% sem sögðust ætla að að gæða sér á grænmetisfæði á aðfangadag og 17% sögðu annað en ofantalið verða á sínum matardisk á aðfangadag.

 

|

Í fyrsta skipti frá því mælingar MMR á jólakortasendingum landans hófust kemur það í ljós að fleiri sögðust ætla að senda rafræn jólakort en hugðust senda jólakort með bréfpósti. Um leið bentu niðurstöðurnar til þess að í fyrsta skipti muni minna en fjórðungur senda jólakort með bréfapósti og að undir helmingi landsmanna muni senda einhver jólakort yfir höfuð.

|

Fylgi Sjálfstæðisflokksins mælist nú 20,0%, tæplega tveimur prósentustigum hærra en við mælingu MMR í nóvember. Mældist Samfylkingin með 14,4% fylgi, rúmu prósentustigi hærra en við síðustu mælingu en Miðflokkurinn mældist með 14,3% fylgi, tveimur og hálfu prósentustigi minna en við síðustu mælingu. Þá jókst fylgi Sósíalistaflokks Íslands um rúm 2 prósentustig og mældist nú 5,2% en fylgi Flokks fólksins minnkaði um rúmlega tvö prósentustig og mældist nú 4,0%.

|

Fimmta árið í röð reyndist Kertasníkir hlutskarpastur jólasveinanna þegar kemur að vinsældum en 29% landsmanna, 18 ára og eldri, tilnefndu Kertasníki sem sinn uppáhalds jólavein. Stúfur reyndist næstvinsælastur sem fyrr en saxaði aftur á móti verulega á forskot Kertasníkis og stökk úr 25% stuðningi í 28%. Þegar sagan er skoðuð þá sjáum við að stuðningur við Stúf hefur rokið svona upp áður og má sjá vísbendingar um að vinsældir hans fylgi svolítið þeirri poppmenningu sem er uppi hverju sinni.

|

Landsmenn eru almennt ánægðir með nútímalífið en nær fimmtungur minnist lífsins á níunda og tíunda áratug síðustu aldar sem gömlu góðu daganna. Skiptar skoðanir eru á því hvort að lífið í dag sé betra en á fyrsta áratug 21. aldarinnar en lífið fyrir 1950 heillar fáa. Þetta kemur fram í lífsgæðakönnun MMR.

|

Fylgi Sjálfstæðisflokksins mælist nú 18,1%, þremur prósentustigum minna en við mælingu MMR í seinni hluta október. Fylgi Miðflokks mældist 16,8% og jókst um rúmlega þrjú prósentustig frá síðustu mælingu. Þá minnkaði fylgi Samfylkingar um rúm tvö prósentustig frá síðustu mælingu og mældist nú 13,2% en fylgi Pírata jókst um tæplega tvö prósentustig og mældist nú 10,8%.

|
Síða 1 af 24
Almennt um birtar niðurstöður kannana MMR
MMR birtir reglulega niðurstöður úr könnunum sem unnar hafa verið meðal almennings um málefni líðandi stundar. Kannanirnar eru jafnan unnar sem hluti af spurningavagni MMR og efnistök valin af starfsfólki MMR út frá þeim fréttum sem eru áberandi í umfjöllun þegar viðkomandi könnunin hefst. MMR birtir ekki fréttatilkynningar úr könnunum sem eru unnar fyrir aðra eða fjármagnaðar af öðrum. Kannanir MMR eru unnar samkvæmt siðareglum ESOMAR.
 
Notkun á efni heimil svo lengi sem heimilda (vörumerkis MMR) er skýrt getið í heimildum um uppruna gagnanna.
Allur réttur áskilinn: 2006 © Markaðs- og miðlarannsóknir ehf.
MMR er skrásett vörumerki Markaðs og miðlarannsókna ehf.