Arna mjólkurvinnsla slær í gegn og Fjarðarkaup á toppnum
Annað árið í röð trónir Fjarðarkaup toppi lista MMR yfir þau fyrirtæki sem Íslendingar mæla helst með. Athygli vekur að mjólkurvinnslan Arna í Bolungarvík, sem var mæld í fyrsta skipti í ár, skýst beint í fimmta sæti listans. Það sem meira er og vekur sérstaka athygli, er að 40% Íslendinga segjast nú nota vörur frá Örnu að staðaldri. Þessar og fleiri eru helstu niðurstöður nýjustu mælingar MMR á meðmælavísitölu 135 þjónustu- og framleiðslufyrirtækja.
Fjölgar um 50 fyrirtæki í meðmælavísitölu MMR (NPS)
Árleg könnun MMR á meðmælavísitölu fyrirtækja lauk nýverið. Meðmælavísitalan byggir á Net Promoter Score aðferðafræðinni og gefur stjórnendum haldgóðar upplýsingar um þá viðskiptavild sem þeir eiga hjá neytendum. Könnunin hefur hefur aldrei verið stærri og náði í ár til 135 fyrirtækja sem hafa starfsemi á landinu og fjölgar um 50 frá fyrra ári.
Kosningaætlan í ágúst 2019
Fylgi Sjálfstæðisflokksins mælist nú 19,1% og er það óbreytt frá mælingu MMR í júlí. Fylgi Samfylkingar mældist 16,8% og jókst um rúm fjögur prósentustig frá síðustu mælingum. Þá minnkaði fylgi Pírata um um tæp þrjú prósentustig milli mælinga og mældist nú 11,3%.
Stuðningur við ríkisstjórnina mældist nú 38,8%, samanborið við 40,3% í síðustu könnun.
Kosningaætlan í júlí 2019
Fylgi Sjálfstæðisflokksins mælist nú 19,0% og minnkaði um rúm þrjú prósentustig frá mælingu MMR í júní. Fylgi Pírata mældist 14,9% og hélst nær óbreytt frá síðustu mælingum. Þá jókst fylgi Miðflokksins um um tæp fjögur prósentustig milli mælinga og mældist nú 14,4%.
Stuðningur við ríkisstjórnina mældist nú 40,9% samanborið við 40,2% í könnun júnímánaðar.
Færri hyggja á utanlandsferðir í sumar
Þeim fækkar sem hyggja á ferðalög erlendis í sumarfríinu sínu í ár samanborið við fyrri ár en þeim sem áætla ferðalög innanlands fjölgar lítillega. Þetta er kemur fram í nýrri könnun MMR sem framkvæmd var dagana 7. til 14. júní 2019. Alls kváðust 38% landsmanna eingöngu ætla að ferðast innanlands í sumarfríinu, 12% kváðust eingöngu ætla að ferðast utanlands, 40% kváðust ætla að ferðast bæði innanlands og utan og 10% sögðust ekki ætla að ferðast neitt í sumar.
Facebook enn vinsælasti samfélagsmiðillinn
Það kemur líklega fáum á óvart að Facebook sé vinsælasti samfélagsmiðillinn á Íslandi í dag en heil 92% landsmanna segjast nota miðilinn reglulega. Þetta er meðal niðurstaðna könnunar MMR á samfélagsmiðlanotkun landsmanna sem framkvæmd var dagana 14. til 16. maí 2019. Þá kváðust 64% landsmanna nota Snapchat reglulega, 61% Youtube, 51% Spotify og 50% Instagram en 2% sögðust ekki nota neina samfélagsmiðla reglulega.
Ekkert lát á vinsældum Netflix
Nær þrír af hverjum fjórum landsmönnum eru með áskrift að Netflix á heimilum sínum samkvæmt könnun MMR sem framkvæmd var dagana 14. maí - 16. maí 2019. Er það aukning um 5 prósentustig frá könnun síðasta árs en hlutfall þeirra sem segjast vera með áskrift að Netflix eða búa á heimili þar sem einhver heimilismanna er með áskrift að streymisveitunni hefur aukist árlega frá því að mælingar MMR hófust árið 2016.
Stjórnendur svartsýnir á horfur íslensks efnahags
63% stjórnenda í íslenskum fyrirtækjum og stofnunum sjá fram á samdrátt í íslenska efnahagskefinu á næstu 12 mánuðum. Þetta er meðal niðurstaðna úr Stjórnendakönnun MMR sem framkvæmd var dagana 29. maí til 6. júní 2019. Stjórnendakönnun MMR skoðar meðal annars viðhorf stjórnenda í íslenskum fyrirtækjum og stofnunum til horfa í íslensku hagkerfi ásamt viðhorfa til mikilvægra þátta í rekstrarumhverfi íslenskra fyrirtækja og stofnana.
Stjórnendur voru svartsýnni á horfur í íslensku efnahagslífi nú heldur en við síðustu mælingu í febrúar 2017. Við síðustu mælingu sáu 86% stjórnenda fram á að íslenska hagkerfið myndi vaxa næstu 12 mánuðina en einungis 12% stjórnenda sjá nú fram á vöxt í hagkerfinu. Þá lækkaði hlutfall þeirra stjórnenda um tæp 38 prósentustig sem sem sáu fram á aukna eftirspurn á vöru/þjónustu en 32% sáu nú fram á aukningu í eftirspurn, samanborið við tæp 70% í síðustu mælingu. Hlutfall þeirra stjórnenda sem sáu fram á aukna veltu lækkaði um rúm 30 prósentustig milli mælinga og hlutfall þeirra sem sáu fram á aukna arðsemi lækkaði um 24 prósentustig.